Tag Archive | mushrooms

Ingelegde sampioene/mushrooms


Lucretia Boucher

Ingelegde sampioene
Olie
1 klein ui, gekap

1 klein wortel, gekap
2 knoffelhuisies
Sout en peper
500 ml witasyn
Takkies vars roosmaryn, tiemie en pietersielie
3 lourierblare
6 koljandersade, gekneus
12 heel witpeperkorrels, gekneus
1 kg knopiesampioene, skoongemaak

Verhit ‘n bietjie olie en braai uie, wortels en knoffel sowat 5 minute tot sag. Voeg sout, peper, asyn, kruie, koljander, peperkorrels en 500 ml water by. Verhit tot kookpunt en kook onbedek vir 10 minute.
Plaas sampioene in ‘n groot plastiek- of glashouer en giet mengsel oor. Bedek en laat oornag.
Dreineer sampioene en pak saam met gedreineerde kruie en speserye in ‘n fles. Vul met olie en verseel. Laat 3 – 4 weke staan.

 

Linda Theron

Ingelegde Sampioene

1 liter witwyn-asyn
500g wit suiker
3 knoffelhuisies, in skywe gesny
2 takkies tiemie
3 lourierblare
1kg witknopie sampioene
150-200ml olie
Sout en peper

Meng die asyn, suiker, knoffel, tiemie en lourierblare saam en bring tot kookpunt terwyl jy roer.
Sodra die mengsel kook, haal van die hitte af en hou eenkant.
Braai die sampioene in klein hoeveelhede op ’n slag in olie om dit vinnig ’n kleurtjie te gee.
Geur met sout en peper sodra die sampioene uit die pan kom.
Gooi dit in die pekel.
Sodra al die sampioene in die pekel is, skep dit in verseëlbare bottels.
Dit hou in die yskas vir tot 3 maande.

Warm aartappelslaai/ Baba aartappels met uie, sampioene en spek


IMG_9819

LEKKER BRAAIGEREG

Baba aartappels, baba uitjies, sampioene, spek en feta

Ek het sakkie baba aartappels (met skil aan) en so 10 klein baba uitjies (geskil) (uie is opsioneel) gekook met sout tot sag.

Intussen het ek so halwe pakkie spek fyn gesnipper en 1 tot 2  groot uie gekap gebraai tot bros. Die olie afgedreineer en eenkant gehou
Ek het ‘n halwe pak sampioene, net in die helfte gesny gebraai in die spek se olie met so ‘n bietjie wostersous/soyasous wat ek oorgesprinkel het. Die sampioene moet net effe gebraai word, dit moet nie gekrimp en pap sag wees nie.

(Hou nou die gereg warm in die lou-oond tot net voor opdiening of maak op defrost warm voor opdiening)

Meng alles liggies deur en meng dan ‘n halwe koppie botter,  2 teelepels knoffelvlokkies (opsioneel), sout en peper en 2 teelepels pietersielie in ‘n koppie. Bring die in die mikrogolf tot kookpunt

Net voor opdiening, roer liggies deur. Gooi botter en knoffelmengsel oor, en gooi dan blokkies fetakaas, gekapte spruit uie, vars stukkies pietersielie en ‘n paar mixed sprouts (opsioneel) oor.

Hierdie was genoeg vir 8 grootmense.

Ontbyt pizza


ONTBYT PIZZA

Gebruik  gekoopte Today pizza base

Braai spek, sampioene, uie en peppers tot sag. Smeer nog tamatie relish op base indien verkies. Skep mengsel op die base.

Maak roereiers en skep  bo-op. Stip met mayonasie en rasper baie kaas oor.

In die oond by 200 C vir so 15/20 minute

Paptert


IMG_8111

WILLIE SE PAPTERT

1 Kg mieliemeel

Sout na smaak

1 blikkie sweetcorn mielies

500ml room

500gr  gerasperde chedder kaas (verdeel in 2)

500gr spek (gesnipper)

1 Pakkie vars sampioene (gekap)

2 uie (gekap)

1 Blikkie tamatie en uie smoor (gebruik die Mexican geur – dit gee ‘n lekker byt)

1 pakkie Knorr Sausage gravy poeier

 

Metode:

Kook die mieliepap soos ontbyt pap (medium slap)

Braai intussen die uie, sampioene en spek tot mooi bruin en voeg dan die tamatie en uie smoor by

Laat rustig prut tot deurgaar en gooi dan die sausage gravy poeier, sout peper en speserye na smaak by.

Wanneer die pap gaar is voeg die blikkie mielies by en die helfte van die kaas. Meng goed. Voeg nou die room by en roer die papmengsel deur.

Smeer ‘n terbak met bietjie botter

Skep nou ‘n dun lagie pap in die bak – ongeveer 1cm dik.

Skep die spek en uie/tamatie  mengsel oor – pasop dat dit nie met die pap meng nie

Herhaal nou in lae tot alles klaar is en eindig af met die spek en uie/tamatie mengsel.

Strooi die ander helfte van die kaas oor en laat staan vir ‘n rukkie.

Bak paptert in oond vir 20 minute by 180 C  (jy wil basies net alles weer stadig warm maak en die kaas smelt – alles is mos klaar gaar)

Die voordeel van die paptert  is, dit kan hele ruk voor die tyd gemaak word en net voor julle eet kan dit in die oond gedruk word om net weer warm te word)

Quiche en souffle


DIDI SE DOODGOOI SPINASIE QUICHE (Rsg)

Bestanddele
3 snye bruinbrood, gekrummel
1 ui, opgekap en gebraai (Meng die ui en die krummels)
2 koppies spinasie, gekook
6 sampioene, in skywe gesny
1 ui, opgekap en gebraai
1 pakkie gesnipperde spek
1 pakkie bruin uiesop
½ koppie Cheddarkaas
½ koppie maaskaas
3 eiers
Fetakaas, gekrummel

Metode
Sit gebraaide uie en brood wat gekrummel is onder in quiche-bak. Braai sampioene, spinasie, uie en spek. Meng soppoeier, cheddarkaas, maaskaas en eiers. Sit bo-op brood- en uie mengsel. Krummel feta bo-oor en bak vir ½ uur in voorverhitte oond teen 180 grade.

Quiche

GESONDE GROEN QUICHE
Maak-jou-yskas-leeg-quiche
Lewer 6 porsies
’n Wye verskeidenheid bestanddele kan ’n lekker vulsel vir ‘n quiche word. Begin met ’n gesoteerde ui en dalk ’n knoffelhuisie en ten minste 3 koppies bestanddele. Oorskiet vleis, hoender en groente werk goed. As dit nodig is, kan dit aangevul word met ’n koppie mieliepitte, ertjies of gevriesde gemengde groente. Geur dit met sout en peper, vars kruie of speserye van jou keuse.
15 ml (1 e) olyfolie
1 groot ui, gekap
1 knoffelhuisie, fyngedruk
750 ml (3 k) bestanddele van jou keuse
geurmiddels van jou keuse
sout en varsgemaalde swartpeper na smaak
250 ml (1 k) melk
3 eiers, geklits
50 g (125 ml) fyngerasperde Cheddarkaas
Voorverhit oond tot 180 °C en smeer ’n oondbak of tertbak liggies.
Verhit olie oor matige hitte in ’n braaipan en soteer ui en knoffel tot sag. Voeg die res van die bestanddele by, geur na smaak en skep in die bak.
Klits die melk en eiers saam, geur met sout en peper en skink oor die bestanddele in die bak.
Sprinkel kaas oor en bak 30 minute of tot gestol. Sit as ’n ligte maaltyd met slaai voor.
Wenke
Geroosterde groente kan met oorskiet hoender of spek gekombineer word.
Ham en ertjies is ’n lekker kombinasie of tuna en mieliepitte.
Geur die melkmengsel met paprika, neutmuskaat, gemengde kruie, cayenne-peper of soetbrandrissie-sous volgens die bestanddele in die quiche.

BASIESE RESEP VIR ‘N SOUFFLE (Attie)
200ml dik witsous
3 eiers, geskei
100g (200ml) geurige bestanddele
2ml sout
peper / paprika (slegs vir geurige soufflés)
Plaas oondrak 2/5 van onder af in die oond en stel oond op 180°C.
Maak witsous.
Klts eiergele tot liggeel en dik. Meng eiergele met die res van die bestanddele, behalwe die eierwit. Klits die witte tot stywe stadium en vou die eiermengsel daarby in.
Skep mengsel in oondskottel waarvan net die boom gesmeer is. Die oondskottel moenie meer as ¾ vol wees nie.
Sit die oondskottel in die oond in ‘n pan met warm water en bak +/- 45 minute lank.
Dien dadelik op.
Variasies:
Geurige soufflé: Meng gaar, gemaalde ham en gesorteerde sampioene / gebruik fyngemaakte vis, gemaalde gaar hoender, kalkoenvlies of gar, fyn groente.
Kaassoufflé: Meng 200ml Cheddarkaas by die witsous totdat dit gesmelt het. Voeg ook 1ml mostert by.

QUICHE

Kors:

240 g Koekmeel

230 g Botter
150 g Cheddarkaas

Vulsel:
500g Spinasie
45 ml Canola olie
250 g Spek
1 groot Ui
1 Knoffelhuisie
300 g Sampioene
Sout
Peper
Aromat
Gedroogte origanum
100 g Gerasperde cheddarkaas

Bolaag:
3 Eiers
150g Korrelrige maaskaas
100 ml Melk
1 wiel Feta

Meng al die bestandele met ‘n voedselverwerker totdat dit ‘n deeg vorm. Gebruik dan ‘n koekpan met ‘n los boom en smeer die kante en die boom met die deeg. Laat staan in die yskas vir 15min.

Soteer die spek, uie, sampioene en knoffel in canola tot gaar. Kook die spinasie en voeg by die gaar spekmengsel. Laat dit vir 5min kook. Voeg al die speserye by. Skep mengsel eweredig in pan. Strooi gerasperde kaas oor.

Klits al die bolaag se bestandele behalwe die feta. Giet die mengsel oor die spinasie. Frimmel dan die feta kaas oor.

Bak vir sowat 40min in die oond by 180oC.

Bedien warm of koud saam met gebraaide kersie tamaties, of net ‘n lekker mengel slaai.

ASPERSIE QUICHE

Deur Herman Lensing, SARIE – April 2011
1 x 400 g-rol blaardeeg
250 g spek, fyngekap
170 g vars aspersies
3 eiers
100 ml room
30 ml tiemie
sout en swartpeper
Verhit oond tot 180 ˚C. Spuit ‘n 9,5 x 33 cm-losboomquiche- pan met kleefwerende kossproei. Gebruik ‘n koekroller en rol blaardeeg op ‘n meelbestrooide oppervlak uit tot sowat 3 mm dik. Voer quiche-pan uit met deeg. Prik bodem met ‘n vurk en bak vir 10 minute of tot begin verkleur. Sprinkel spek op bodem van kors, gevolg deur heel aspersies. Meng eiers, room en tiemie saam. Geur goed met sout en swartpeper.Gooi bo-oor aspersies en plaas terug in oond. Bak verder vir 15 – 20 minute of tot goudbruin en gestol. Laat effens afkoel en sit voor met slaai van jou keuse.
wenk
As jy nie van aspersies hou nie, kan jy ook uie in dun ringe sny en dit saam met swartolywe gebruik as vulsel.

SPINASIE QUICHE
Bestanddele
1 blikkie soutbeesvleis of Lunch Loaf (opgesny)
1 pakkie bevrore skilfer deeg
250 ml gerasperde kaas (cheddar)
2 groot uie, fyn gekerf
500 ml geblanseerde spinasie, gesnipper
25 ml gekapte pietersielie
1 blikkie (410 g) ingedampte melk
4 eiers
30 ml koekmeel
25 ml blatjang
2 ml (knypie) rooi peper
liSout en peper na smaak

Metode
Voer die tertbord met die deeg uit. Meng al die bestanddele goed saam.

HAM EN PYNAPPEL QUICHE

1 Rol broskorsdeeg
2 Uie, gekap
2 Rooi peppers, in blokkies gesny
30 ml Koekmeel
500 g Ham, in blokkies gesny
1 Blik Pynappelstukke
5 Eiers, geklits
250 ml Melk
500 ml Dikroom
20 ml Aangemaakte mosterd
Sout en peper na smaak
500 ml Gerasperde Kaas

Metode:
Voer tertbord uit met deeg en bak blind vir 20 min. Soteer ui en soetrissie in bietjie botter, roer meel by en laat effe afkoel. Voeg ham en pynappel by en roer deur, giet in tertbord. Klits melk, room, mosterd, geursel en kaas saam en giet oor vulsel, bak 25 min lank of tot gestol.

MIELIE SOUFFLE

1 blik Pitmielies, gooi die water af.
1 blik Roomsoortmielies
2 snye brood – gekrummel, (nie vars brood nie)
1 en ‘n half koppie gerasperde cheddar kaas
2 eiers + ‘n kwart koppie melk geklits – geur met sout, peper en gemengde kruie
Meng alles goed saam, gooi mengsel in oondvaste bak (spuit bak met Spary en Cook)
Bak vir 40-45 minute by 180 grade Celsius.

BILTONG EN CHEDDARKAAS QUICHE
SARIE KOS 2011

1 Rol blaardeeg
100gr cheddar kaas
160gr gekerfde beesbiltong
2 eiers
250ml room

Swart gemaalde peper

Rol skilferkors uit.
Voeg gesmeerde 18cm terborduit met kors
Sprinkelkaas onder in bord en rangskik biltong bo-op
Klits eier en room saam en gooi bo-oor kaas en biltong.
Geur met peper
Bak in vooraf verhitte oond by 180 grade vir 35 minute
Tert is gaar as eier gestol is.
Bedien saam met ‘n lekker mengelslaai.

IMG_0179999
BILTONG TERT/QUICHE (vir 1 tert of 10 ramekins)
1 Pak blaardeeg – rol uit en druk in plat tertbak of in ramekins (1 blaardeeg puff patry is genoeg vir 10 bakkies)
Rasper nou ‘n klomp kaas bo-oor
Gooi ongeveer 300gr gekerfde biltong oor
Klits saam:
6 eiers
250ml room
1 houertjie gladde maaskaas of roomkaas (by kamertemperatuur)
Sout en peper na smaak
1 kop melk
Gooi bo-oor die deeg en biltong – rasper weer net bietjie kaas bo-oor en bak in oond vir 1 uur op 180 grade
Net voor opdiening, gooi nog paar stukkie biltong oor. Bedien warm of lou.

IMPOSSIBLE QUICHE
3eggs,
1 chopped onion,
1 cup grated cheese,
salt & pepper,
1 tablespoon oil,
green pepper,
chopped bacon,
mushrooms (anything you want) 1/2cup selfraising flour,
1 1/2cup milk–

Put all ingredients into a large mixing boul with a lid. seal & shake for 1 min…pour into greased dish.bake 30 – 40 mins at 180!

 

SPEK EN SAMPIOEN QUICHE
DEEG
250ml koekmeel
250ml gerasperde cheddar kaas
125g botter
Meng al die bestanddele tot ‘n sagte deeg in ‘n voedselverwerker. Druk in bodem en kante van gesmeerde 24cm quiche bak.

VULSEL
250g gesnipperde spek
15ml botter
250g sampioene, gesny
3 eiers
375ml melk of room(250ml room & 125ml mascarpone)
15ml suurlemoensap
250ml gerasperde cheddar kaas (100g)
3ml mosterd poeier
3ml sout
Swartpeper na smaak
5ml vars kruie of 2ml gedroogde kruie

Braai spek. Verwyder en hou eenkant. Sit botter by spek vet en braai sampioene. Gooi spek en sampioene in deegbasis.
Klits eiers, room en suurlemoensap saam.
Voeg kaas by en geur.
Gooi in basis en bak in voorverhitte oons by 160˚C vir 45min.

Bedien 4-6
Madri Cordier

FETA EN VY QUICHE
Deeg
400g meel
2 ml sout
200g botter
90 ml koue water
Sif die meel en sout in ’n groot mengbak. Sny die botter in blokkies en vryf by die meel in tot dit soos fyn broodkrummels lyk. Voeg die koue water by en vorm ’n deeg. Bedek met kleefplastiek en plaas vir 30 minute in die yskas. Smeer ’n pan met botter. Rol die deeg uit op ’n meelbestrooide oppervlak en voer die pan uit met die deeg. Sit waspapier bo-op die deeg en vul met boontjies. Bak vir 20 minute teen 200 °C.

Vulsel

350 g Feta kaas in blokkies
500 g vye in helftes/kwarte
2 Eetlepels heuning
Handvol okkerneute fyner gekap
6 eiers
500 ml room
250 ml melk

Sit die feta kaas blokkies in die oondbak. . Rangskik die vye eweredig bo-op die kaas. Sprinkel die neute oor die vye. Klits die eiers, heuning, melk en room goed saam. Gooi die eiermengsel oor die vulsel en bak vir 45 minute teen 180 °C.

QUICHE LORRAINE

Bestanddele:
1 rol bevrore pastei deeg
250 g bacon
1 koppie melk
½ koppie volroom room
3 eiers
½ t sout
½ t swart peper
1/8 t neutmuskaat
1 koppie gerasperde cheddar kaas
¾ koppie fyngekapte ui
bietjie olie om ui in te soteer
METODE
VOORVERHIT OOND TOT 180ºC
SMEER OF SPUIT TERTBORD
ROL DEEG UIT EN VOER DIE TERTBORD U IT MET DIE DEEG
BAK DIE TERTKORS SONDER ENIGE VULSEL VIR 20 MINUTE, MET NET DROË BOONTJIES IN (BLIND BAKE), VERWYDER DIE BOONTJIES, STEEK KLEIN GATJIES MET ‘N VURK IN DIE BASIS EN BAK ‘N VERDERE 10 MINUTE
WANNEER GAAR, HOU EENKANT
VERHIT OLIE IN PAN EN BRAAI BACON TOT BROS, SKEP UIT OP HANDDOEKPAPIER EN DRUK OORTOLLIGE OLIE UIT
LAAT AFKOEL EN SNY IN KLEIN BLOKKIES
GEBRUIK DIE BACON OLIE OM UI IN TE SOTEER, NET TOT GLASERIG, NIE BRUIN NIE
VERSPREI DIE GESOTEERDE UI EGALIG ONDER IN DIE TERTBORD
KLITS DIE EIERS IN ‘N GROOT MENGBAK
VOEG NEUTMUSKAAT, SOUT EN PEPER BY, KLITS DEUR
VOEG MELK EN ROOM BY, KLITS TOT EFFENS SKUIMERIG
PLAAS DIE BACON BO-OP DIE GESOTEERDE UIE, GEVOLG DEUR DIE GERASPERDE KAAS
GIET DIE EIERMENGSEL IN DIE TERTBORD
ROER DIE MENGSEL LIGGIES DEUR MET ‘N VURK OM ALLES EGALIG TE VERSPREI.
PLAAS IN DIE MIDDEL VAN DIE OOND EN BAK VIR 30 – 40 MINUTE
17. TOETS DIE STEWIGHEID NA 30 MINUTE, DIT MOET NOG BIETJIE BEWE, MAAR NIE SLAPPERIG NIE.
HAAL UIT EN LAAT AFKOEL OP ‘N AFKOELRAKKIE
BEDIEN TEEN KAMERTEMPERATUUR OF KOUD, OF HERVERHIT LIGGIES IN ‘N OOND 100ºC VIR 20 MINUTE.

Genoeg vir 6 mense

 

TUNA EN SPINASIE QUICHE

Die tuna kan ook met fyn hoender vervang word.
Bedien 3-4
2 tuna chunk blikkies (gedreineer)
1 ui gekap
30gr spinasieblare (fyngekap)
sout en gemaalde swartpeper
6 eiers geklits
50ml mayonaise
Meng die tuna, ui, spinasie sout en peper
Gooi in tertbak
Klits die eiers en mayonaise en gooi bo-oor (jy kan so ‘n klein bietjie gerasperde kaas ook bo-oor gooi)
Bak 20 min by 180 grade

 

Roasted Butternut, Caramelized Onion, Feta & Mixed Herbs Quiche
serves 8 – 10

Enough shortcrust pastry to suit the size of the dish you are using to make your quiche in
1kg butternut roasted (I roasted it the same was I always do when making my butternut soup)
2 large onions, chopped
200g feta, roughly crumbled
chopped mixed fresh herbs of choice
200ml milk
100ml cream
3 eggs
seasoning
1 tsp sugar
1 clove of garlic, diced
200g grated cheddar
olive oil
Preheat the oven to 180C
I made my quiche in a large spring form tin, you don’t need to grease the tin as the pastry won’t stick.
Roll out the pastry and cut to desired size. You want to ensure that you have a pie like crust for the quiche, so ensure your pastry comes up the sides of the tin. Remember your pastry shrinks when baked so leave a little room for shrinking.
Blind bake for 25 – 30 minutes.
While the butternut is roasting, fry off the onions in a drizzled of olive oil, sprinkle the sugar over the onions and let caramelize, add the garlic and sauté gentle. Do not burn the garlic as this will make your quiche bitter.
Mix the butternut, onions and feta, with the herbs in a bowl, season to taste.
Mix the milk and cream together and add the eggs. Ensure that the mixture is well incorporated.
Place your butternut mixture evenly in the pastry base, pour the milk mixture over, tap the tin once or twice to get the mixture to seep through the butternut, sprinkle cheese over the top and bake for 45 minutes.
Turn your oven up to grill for 2 – 3 minutes just long enough for the cheese to form a nice crust over the top.
Remove and let cool for 5 minutes, release spring form clasp. Let sit for another 5 minutes.
Cut and serve with a beautiful garden salad.

Hake vis


Stokvis Gereg

Stokvis Gereg

STOKVIS GEREG

(Bv Hake fillete)

Deur: Whats for dinner

Ingredients

100 gram Stork margarine (room temp)

6 Fish fillets (e.g. Kingklip, Hake) skinned and deboned

1 KNORR Chicken & Mushroom Pan Dry Cook-in-Sauce

Olive oil for dressing

1 teaspoon dried Oreganum

2 teaspoon lemon juice

3 teaspoon  Paprika

100gr mushrooms (slices)

Instructions

Mix together the margarine, oreganum, lemon rind, lemon juice and half the contents of the KNORR Fresh Ideas Chicken & Mushroom sachet

Rub over the fish and place on a greased baking tray

Drizzle with olive oil and sprinkle with the remaining sachet contents

In a preheated 180 degree’s Celsius oven bake for 20/25 minutes until cooked.

Ek het ‘n paar kersietamaties ook bo-oor gesit voor ek dit gebak het.

Bedien met kapokaartappels of potato wedges  en mengelslaai

Ek het nie die lemon rind en ook nie die oreganum gebruik nie. Het nie in die huis gehad nie, het roosmaryn oorgegooi.

bier vis

 HAKE  IN BIERBESLAG (4 porsies)

175ml koekmeel

200ml mielieblom

3ml borrie

1 x 340ml blikkie koue bier

Sonneblomolie vir braai

500g kaapse witvisfilette (hake)

Meng die koekmeel, mielieblom en borrie saam.

Gooi die bier by en roer tot glad.

Verhit ‘n dik laag olie oor matige hitte in ‘n kleefvrye pan.

Geur die vis met sout en peper en doop in beslag.

Sit twee stukke vis op ‘n slag in die warm olie en braai dit vir drie tot vyf min

tot deurgaar en goudbruin alkant.

Dreineer die vis op kombuis papier en sit voor met tartaresous

 

HAKE IN BIERBESLAG (Rens se resep)

Ek maak al die jare die bierdegie, maar het nog nooit die vis eers in droe meel gerol en dan in die deeg gedruk ni. Ek het dit altyd direk in die deeg gedruk, met die gevolg dat my degie partykeer afval. Was ek nou verras om te sien hoe lekker die wenk werk met die droe meel eerste. Al 4 my stukke het perfek uitgekom, en nie 1 stukkie het afgebak nie.My vis was ontvries gewees.

BIERDEEG
1 opgehoopte kop bruismeel – of 1 opgehoopte kop meel en so 1 en half tl bakpoeier
1 eier
1 botteltjie/blikkie bier (enige bv Castel of black label)
1/2 tl paprika
5ml speserye (ek het Castle spices gebruik, jy kan enige gebruik bv bbq, Texan braai spices of lemon and herb ens)
Meng bg tot lekker dikkerige slap degie

1 kop meel om die vis in die rol

Rol jou vis in die meel, en druk dan in die bierdegie. Braai in warm olie – ongeveer 1cm diepte olie tot goudbruin aan beide kante.

UIERINGE
Sny jou uie in dik ringe. Gebruik net die buitenste groot ringe. Bere die klein stukkies vir jou tamatie en uie slaaitjie
Gooi jou uie in yskaswater en so 3 blokkies ys vir so 10 minute. dreineer water af en druk jou uie in dieselfde bierdegie en “deepfry’ in warm olie. Braai net so 4 of 5 stukke op een slag dat dit nie aanmekaar vassit nie. Hulle pof so lekker mooi op.
Jy kan selfs jou sampioene met dieselfde degie maak.

Gooi bietjie suurlemoensap oor jou vis en ‘n bietjie mayonaise.

Bedien met uie en tamatie salsa, skyfies of potato wedges, suurlemoenrys of kapokaartappels.

Bierdeeg hake en uie ringe

Bierdeeg hake en uie ringe (Rens)

OUMA FRIEDA SE VISKOEKIES

(Kom uit Huisgenoot)

“Die heel lekkerste vis om te gebruik is die oorskietvis van maaltye waar gebakte of gebraaide vis voorgesit is. En dit kan maar meer as een soort vis wees. My ma vries die oorskiet tot sy genoeg vis het vir ’n baksel viskoekies.”

Lewer 16 viskoekies
Bereiding: sowat 20 minute
Gaarmaaktyd: 10-15 minute

750 g gaar stokvis, gevlok
1 ui, grof gerasper
45 ml (3 e) vars of 30 ml (2 e) droë pietersielie
6 snye Sasko-heuning-en-hawermoutbrood,in melk geweek en melk uitgedruk
’n knippie sout
1 ml (¼ t) witpeper
1 ml (¼ t) fyn naeltjies
1 ml (¼ t) fyn koljander
2 eiers, geklits
15 ml (1 e) bruinasyn
sonneblomolie om in te bak
kapokaartappels en ertjies

Meng al die bestanddele in ’n mengbak. Dit is ’n losserige mengsel.

Verhit genoeg olie vir vlakbraai in ’n elektriese braaipan wat op medium hitte gestel is.

Rol die vismengsel in balletjies en druk plat.

Bak die viskoekies 5 minute aan die een kant, draai dit om en bak nog 5 minute aan die ander kant.

Plaas die koekies op handdoekpapier om die ergste olie te absorbeer.

Sit voor saam met kapokaartappels en ertjies.

viskoeke

HAKE FILLETS IN DIE OOND

Hake fillets (1 vir elkeen in gesin)
Country herb & garlic spice
1 Uie in ringe gesny
3 Tamaties in ringe gesny
50ml olyfolie
50ml appelasyn of witwyn
5 Teelepels suurlemoensap
sout en gemaalde swartpeper
2 Wiele Feta, gekrummel
Gerasperde kaas
Foelie (blink kant na binne) in blokke groot genoeg om Hake in toe te draai. Meng olyfolie, appelasyn/witwyn, suurlemoensap in bottel en skud goed. Sit Hake op foelie. Sit country herb & garlic spice en sout en gemaalde swartpeper op Hake. Layer nou uie, tamatie en gerasperde kaas en feta bo-op. Bedruip elke fillet met sous in bottel. Maak foelie toe en bak vir 25 minute @ 200 grade C. Bedien met griekse slaai

PicMonkey Collage8

HAKE VIS MET MEEL EN SOUTHERN COATING

Ek het nog altyd die Bierdegie gemaak, maar het nie bier in die huis gehad nie, toe probeer ek die resep sommer so uit die kop . Dit is van nou af my WEN RESEP vir vis met ‘n degie in my huis

Meng halwe koppie meel met 2 eetl Lemon and herb Southern Coating speserye.
Meng 2 eiers met bietjie melk
Ontvries jou vis, sprinkel met visspeserye, sout en bietjie peper
Druk in meelmengsel, dan in eier en melk mengsel, dan weer in meel mengsel.
Bak in 1cm warm olie tot bruin aan albei kante. Dreineer op kombuispapier
Ek het dit bedien met skyfies, ‘n mango, tamatie en fetakaas slaai.

 

STOKVIS IN SUURROOM 

Bietjie botter of margarien

1 houer suurroom (250ml)

1 pakkie dik wit uiesoppoeier

125ml melk

800g bevrore stokvisfillette

geuropwekker na smaak (pasop vir te veel sout – soppoeier partykeer genoeg sout)

gerasperde cheddar-kaas

fyngekapte pietersielie

(ek sit soms sampioene  by sowel as gemengde groente)

Voorverhit oond 180grade

Smeer oondvaste bak

Meng suurroom en soppoeier goed

Pak ‘n laag vis, geur,

Gooi dun lagie roommengsel bo-oor

Volg met nog ‘n laag vis en roommengsel

Strooi kaas oor bak +- 40 min tot mooi goudbruin en gaar.

 

STOKVIS GEREG

500 gr stokfisfilette

15ml suurlemoensap

10ml olyflie

1 ui gekap

1 greenpepper in ringe gesny

1 knoffelhuise fyngekap

2.5ml rooipeper

3ml sout

1 blik heel tamaties gekap

Sny filette in blokkies en gooi suurlemoensap oor

Verhit olie en braai uie rissie en knoffel. Voeg sout en rooipeper by

Roer vis en tamaties by uie mengsel. Verhit tot kookpunt. Sit deksel op en prut vir 5 min totdat vis maklik vlok.

Bedien warm

 

HAKE FILLETS

Madri Cordier
Hake fillet in foelie in die oond met Griekse slaai
Hake fillets (1 vir elkeen in gesin)
Country herb & garlic spice
1 Uie in ringe gesny
3 Tamaties in ringe gesny
50ml olyfolie
50ml appelasyn of witwyn
5 Teelepels suurlemoensap
sout en gemaalde swartpeper
2 Wiele Feta, gekrummel
Gerasperde kaas
Foelie (blink kant na binne) in blokke groot genoeg om Hake in toe te draai. Meng olyfolie, appelasyn/witwyn, suurlemoensap in bottel en skud goed. Sit Hake op foelie. Sit country herb & garlic spice en sout en gemaalde swartpeper op Hake. Layer nou uie, tamatie en gerasperde kaas en feta bo-op.
Bedruip elke fillet met sous in bottel. Maak foelie toe en bak vir 25 minute @ 200 grade C.

 

HAKE EN KAPOKAARTAPPEL GEREG IN DIE OOND

2 Pakkies Hake Fillets
2kg Aartapples –maak kapokaartappels hiervan
1 tl Knoffel
Fish Spices na smaak
1 groot ui gekap
3 eetl botter
1 houertjie vars Room
1 Eetlepel koekmeelblom
Brood krummels

Kook vis in water en sout. (Jy kan dit sommer in die mikrogolf ook doen) As gaar is, flok en sit eenkant
Kook aartapples en maak kapokaartappels soos normaalweg met melk, botter en bietjie bakpoeier.
Smelt botter in ‘n pan en braai ui en knoffel op lae hitte tot sag. As dit klaar is sit ook eenkant
Smelt nou die botter en voeg meelblom by meng tot dit ‘n “paste” maak. Voeg dan op lae hitte room by en roer tot dit effens dik raak. Jy kan ook hier melk (1 koppie) gebruik ipv room. Haal van stoof af.(voeg bietjie melk by as jy sien dit is te dik met die room alleen.

In ‘n oond bak sit een laag kapokaartappels , dan een laag roommengsel, dan vis en dan uie. Sprinkel tussen die lae bietjie van die fish spices. Herhaal lae en eindig af met room mengsel. Bedek met broodkrummels en bak in oond by 180 C tot goudbruin

Paar variasies.
Jy kan ook sampioene braai saam met die uie en knoffel.
Rasper bietjie kaas bo-oor die broodkrummels voor jy dit bak.

 

BAKED FISH WITH RICE IN A CREAMY CHEESE SAUCE
Deur: w4dinner

INGREDIENTS
2.5 ml Curry powder
125 ml grated cheese
500 ml boiling water
250 ml Chopped spring onions
15 ml Margarine
15 ml lemon juice
1 Pinch Salt and Pepper to taste
500 g Fish fillets (Any stockfish available eg Hake)
2 sachets KNORR Classic White Sauce
500 ml Cooked rice
2.5 ml Paprika
METHOD
Season the fish fillets with salt and pepper, sprinkle with lemon juice and set aside.
Melt margarine in a pan and add spring onion and lightly fry.
Prepare KNORR Classic White Sauce by adding sachet contents to a jug and pouring in boiling water.
Stir with a fork for 1 minute until thick.
Stir spring onions into white sauce and add cheese and curry powder.
Grease a baking dish and spread the rice on the bottom and lay the fish fillets on top.
Pour sauce over and sprinkle with Paprika.
Bake at 200 °C for about 30 minutes.

HAKE MET KAAS EN UIE SKYFIES

Hake filet genoeg vir jou gesin.
Twee pakke kaas en uie chips
1 Koppie gerasperde kaas.
1 koppie fyn gekapte uie.
750ml room.
Maak chips fyn. Meng saam in bak die chips, kaas,uie en room. Pak hake in oond pan en sprinkel met sout. Gooi uie mengels oor hake en bak op 180grade vir 45min. Geniet

STOKVIS IN OOND

2 Pakke stokvis (4 Groot stukke) Geen vel en graatloos
125ml ongegeurde yoghurt
125ml Room of vermeerder na 175ml (room kan met melk vervang word)
1 Pakkie sampioenroomsop
Gerasperde Cheddar kaas
15ml pietersielie

Meng yoghurt, room en sop saam tot ‘n gladde sous. Pak die vis in ‘n oondskottel. Sprinkel ‘n bietjie kaas op die vis. Gooi nou die sous bo-oor. Sprinkel die pietersielie oor, gooi res van die kaas oor en bak in die oond vir 40 minute by 180 grade C.

My wenk: Voeg gebraaide uie en sampioene by vir variasie

Geurige suurlemoen-visgereg (vingers)

SUURLEMOEN- VISVINGERS MET HAKE

100 g droë broodkrummels
40 ml gekapte vars pietersielie
gerasperde skil van 2 suurlemoene
1 rissie, ontpit en gekap (opsioneel)
400 g visfilette, in dik repe gesny
1 groot eier, geklop olie vir vlakbraai
geurige rys, groenslaai, suurlemoenwiggies en tartare-sous om voor te sit

1 Meng die krummels, pietersielie, suurlemoenskil en rissie. Doop die vis in die geklopte eier en dan in die krummelmengsel. Verhit ’n bietjie olie in ’n groot pan en braai die visrepe tot goudbruin en deurgaar.

2 Sit dit voor met geurige rys, groenslaai, suurlemoenwiggies en tartare-sous.

 

Seekos Resepte


Seekos - Foto yumsugar

Seekos – Foto yumsugar

Seekos Pot

Mariette Els Beukes
1 kg Marina Mix
2 Tsp Spice for fish
1 Tsp Crushed Garlic
1 Tsp Thyme
250ml Cream
1 Tsp Black Peper 250g Buttom Mushrooms
1 small tin Tomato paste
100g Bacon
1 Onion
1 Small Green Peper
Sweet & Spicy Sauce
Mild Peri Peri
Heat Marg and fry oinion, green peper, bacon, mushroom and garlic untill coocked.
Add fish spice, thyme and tomato paste.
Add Marinara mix and stir for one minute. Add cream, sweet & spicy sauce & peri-peri to taste.
Thicken with a little Mazina mixed with Lemon juice.
Serve with brown rice or buttered noodles and lots pf garlic bread.

Kortpad Vispaella

Angelique Louise De Kock

koppie rou rys
5ml borrie
500ml visaftreksel
150g skelvis gaar gestoom in melk
150g stokvis in botter gebraai tot gaar
150g botter 1 pak gemengde seekos (Marinara mix), gebraai in botter en knoffel. (Behou die bottervloeistof)
250ml bevrore ertjies in mikrogolf verhit vir 3 minute

Kook rys gaar in visaftreksel, borrie en knoffel. Meng gaar rys, gaar gevlokte skelvis en stokvis, gaar seekosmengsel en ertjies, alles deurmekaar. Plaas in opskepbak en stip met botter bo-op. Knoffel kan ook bygevoeg word. Gooi melk waarin skelvis gaar gemaak is en bottervloeistof van seekosmengsel bo-oor. Plaas foelie oor en bak vir 45 minute by 160C. Roer deur voor, voorgesit word. Sit voor met slaai.

Seekos Roerbraai

250g rou rys
1 ui, in ringe gesny
2 knoffelhuisies, fyn gedruk
1 groen soetrissie, in repe gesny
knoffelbotter om in te braai
250g knopiesampioene, gehalveer
knippie piri-piri
15ml gemengde kruie
sout en peper na smaak
500g bevrore seekosmengsel

Kook die rys in soutwater tot sag. Dreineer goed. Soteer die ui, knoffel en soetrissie in die knoffelbotter tot sag. Voeg die sampioene by en roerbraai tot ligbruin. Voeg al die geurmiddels by en meng goed. Giet kookwater oor die seekosmengsel en laat 2 minute lank staan (of volg die aanwysings op die pak). Dreineer en voeg by die uiemengsel. Roerbraai sowat 1 minuut lank, maar moenie te lank braai nie, want dan word die seekos taai. Meng die rys by, roerbraai tot alles deurwarm is en dien dadelik op. Genoeg vir 6 mense.

Fettuccine with Creamy Seafood Sauce

Recipe from : San Remo Macaroni Company Pty Ltd

Preparation Time: 15 mins
Cooking Time: 20 mins
Serves: 6

500 g Fettuccine
750g seafood marinara mix
2 tbsp butter or oil
2 cloves garlic, crushed
salt, pepper to taste
½ cup dry white wine
300ml thickened cream
squeeze of lemon juice
chopped parsley
1 tbsp cornflour
¼ cup water

Heat butter in large frying pan
Add garlic, cook for 1 minute stirring constantly.
Mix in wine and cream, bring to gentle boil whilst stirring.
Cook for 3 minutes, mix cornflour with water and add to cream mixture.
Stir constantly until mixture boils and thickens.
Add lemon juice, salt, pepper and seafood.
Gently cook for 2 to 3 minutes, add parsley.
Cook fettuccine according to packet directions.
Drain and mix with half the seafood sauce.
Serve with the remaining sauce spooned over each serve.