Biltongtert- Thelms

Biltong Tert

1 Pak blaardeeg – rol uit en druk in plat bak – Rasper nou ‘n klomp kaas bo-oor – gooi ongeveer 300gr gekerfde biltong oor – Klits saam: 6eiers, 250ml room, 1 plain cream maaskaas, sout en peper – 1 kop melk , -gooi bo-oor die deeg en biltong – rasper weer net bietjie kaas bo-oor en bak in oond vir 1 uur op 180 grade

Biltongtert

(6-8 mense)

(gekry in Sarie KOS)
1 rol Puff pastry
160g klam biltong
1 koppie gerasperde kaas
250ml room
2 ekstragroot eiers (of 3 groot eiers)

1. Verhit oond tot 180
2. Rol deeg op meelbestrooide oppervlak uit. Laat sak dit in jou bak (spuit met spray en cook) moenie deeg rek nie (dit krimp terug as dit bak) Maak die randte van die bak netjies.
3. Strooi die biltong op bak se bodem.
4. Strooi kaas bo-oor
5. Klits room en eiers saam. Gooi mengsel oor biltong en kaas.
6. Bak in oond vir 35-40 minute. Haal uit en laat afkoel.
7. Dien dit louwarm op saam met ’n groen slaai.
Jy kan dit die aand voor die tyd maak\die oggend en net so n rukkie by 100C

Biltong Happies

Sny brood happiegrootte of soutkoekies
meng marmite en botter, smeer op brood
Sit 2 snye op mekaar
Smeer ook rondom
Rol in fyn biltong
Bedien
Jy kan ook `n sout beskuitjie soos `n Bacon Kip tussen twee broodsirkels sit en dan die marmite botter of smeerkaas bo-oor en rondom smeer en dan in die biltong rol

Biltong Balletjies
227 g roomkaas
3 Hardgekookte eiergele
3-4 E Biltong (fyn)METODE:

Klits kaas, voeg by eiergele en klits goed. Maak klein balletjies, rol in fyn biltong. Plaas in yskas.

Biltongpot
Met komplimente van Boerekos.com

Geskryf deur: RethaB

Met die (hopelik) oorvloed van biltong na die jagseisoen, is hierdie resep die ware Jakob. Anders moet jy maar van daardie pakkies by die supermark kry of ‘n maat afpers!
Bestanddele:
500g gesnyde biltong
500g pasta (enige vorm, maar spaghetti pas nie so lekker nie)
250g botter (of margarien as jou gewete pla)
1 gekapte ui
1 pakkie gesnyde sampioene
lekker groot lepel gekapte knoffel
2 pakkies kits witsous
handvol gekapte kruie
250ml room
250ml gerasperde kaas
Metode:
Smelt die botter, braai die uie, knoffel en sampioene tot die geur almal begin nadertrek. Gooi nou die biltong so in ‘n lekker laag oor hierdie braaisel. Maak van hier af seker dat jou hitte baie saggies is. Dis ‘n kuierpot, nie ‘n wegneemete nie! Gooi jou pasta nou oor hierdie kontrepsie. Maak die pakkies kitssous met genoeg kookwater aan om alles te bedek. Maak toe en kuier rustig. Elke keer as jy wil glas volmaak, maak jy net seker daar is nog vloeistof in die pot. Na so ‘n uur begin jou mond behoorlik water. Haal van die hitte af, gooi die room en kaas oor en meng goed deur. Selfs pasta-haters eet hul lippe af!

Biltong Potjie

Madri Cordier
(Chrissie)

enoeg vir 10 mense

6 Uie
1 Pak sampioene
750 gr biltong
1 Blik pitmielies
1 Pak noodels (gedraai of skulp) (Gaargemaak)
½ “Green Pepper”
2 Houertjies vars room
Redelike stuk gerasperde kaas (Hoe meer kaas, hoe lekkerder)

1. Braai uie en sampioene tot gaar. Voeg biltong by. Voeg gaargemaakte noedels by. Plaas “green pepper” en pitmielies bo op. Rond af met 2 houertjies room en baie gerasperde kaas.
2. Byskrif: Hierdie resep is ryk, maar so lekker. Dit gaan baie vinnig om te maak. Bedien dit saam met ‘n lekker mengelslaai of enige ander slaai en jy rek dit nog verder.

BILTONG FRITTATA

Deur: http://inenomdiehuis.blogspot.com/2011/08/biltong-frittata.html#more

10 ml Margarien

1 klein uitjie

halwe klein soetrissie ontpir en in blokkies gesny

4 groot eiers

30 ml laevetmelk

50g biltong in baie dun skyfies gesny

50g fetakaas gekrummel

vars pietersielie

Smelt margarien in pan en roerbraai di ui en soetrissie tot deurskynend. Klits eiers en melk tot net gemeng en giet oor die uie en soetrissie. Vou die kante van die eiermengsel stadig met ‘n spaan na die middel totdat die mengsel begin stol en strooi dan die biltong fetakaas en gekapte pietersielie bo oor. Plaas die frittata vir ‘n paar min onder die rooster element totdat dit mooi verbuin het en heeltemal gestol het. (Indien jy dit ni in die oond wil plaas ni kan jy dit van die hitte verwyder en vir ‘n paar min bedek met ‘n deksel of foelie totdat die bokant gestol is.

BILTONGSMEER 

1 houer gladde maaskaas (200g)
30ml goeie gehalte mayonnaise
30ml ongegeurde jogurt
125ml fyn biltong
45ml peppadews fyngekap
Vars gemaalde swartpeper
Franse brood
100ml olyfolie
10ml gemengde droë kruie
Metode:
Verhit die oond tot 180°C. Meng die maaskaas, mayonnaise en jogurt goed saam tot glad. Meng die biltong en peppaews by, geur met swartpeper en verkoel in die yskas. Meng die olyfolie en kruie saam en verf die franse brood snytjies daarmee met ‘n kwassie. Bak in die oond vir 10min tot die brood goudbrun en bros is. Bedien biltongsmeer saam met brood en ander happies.

BILTONG MOUSSE
(bedien 8 as voorgereg)

1 ui, fyngekap
1 e olyfolie
1 blokkie hoenderaftreksel
4 t gelatien
kypie fyn koljander
2 t sjerrieasyn*
100g biltong, gerasper
3 e mayonnaise
150ml ingedampte melk, styfgeklits
1 k room, geklits tot styf

Voer ‘n 1 liter-vorm uit met kleefplastiek. Braai die ui tot sag in die olie. Meng die aftrekselblokkie met 100ml kookwater om op te los. Strooi die gelatien bo-oor, en roer om op te los. Gooi die afgekoelde ui met die koljander en die asyn by. Vou die biltong en mayonnaise by die ingedampte melk in. Roer daarna die gelatienmengsel en die room by. Gooi in die voorbereide vorm. Sit in die yskas tot styf en draai uit op ‘n opdienbord. Dit is heerlik met roosterbrood of beskuitjies.

*Vervang met balsamiekasyn as jy nie dié in die hande kan kry nie.

BILTONGSMEER
1 houer gladde maaskaas (200g)
30ml goeie gehalte mayonnaise
30ml ongegeurde jogurt
125ml fyn biltong
45ml peppadews fyngekap
Vars gemaalde swartpeper
Franse brood
100ml olyfolie
10ml gemengde droë kruie

Metode:
Verhit die oond tot 180°C. Meng die maaskaas, mayonnaise en jogurt goed saam tot glad. Meng die biltong en peppaews by, geur met swartpeper en verkoel in die yskas. Meng die olyfolie en kruie saam en verf die franse brood snytjies daarmee met ‘n kwassie. Bak in die oond vir 10min tot die brood goudbrun en bros is. Bedien biltongsmeer saam met brood en ander happies.
*Finesse*

 BILTONG PATEE

Finely chop:

4 rashers streaky bacon
1 small onion
1 punnet mushrooms

Fry the bacon, remove and then saute the onion and mushrooms until soft and slightly browned. Add to the bacon and cool.

Now add all of the following:
200ml good quality mayonnaise
250g creamed cottage cheese
200g biltong (see note below)
Fresh Italian parsley, finely chopped
Season with:
2 cloves
1 teaspoon coriander seeds
black pepper
1/2 teaspoon nutmeg
Grind all the spices together in a coffee grinder or pestle and mortar or a normal pepper grinder.

As with the snoek pate, I like this pate with some texture, so I do not process the pate in a food processor as described in the original recipe, I rather use a wooden spoon to blend it. I also use a mixture of very finely sliced biltong and powdered biltong to make up the 200g.

If making it in advance, remember to remove it from the fridge and let it come to room temperature, to bring out the flavour and to make it easier to spread.

GESTOLDE BILTONGRING

15 ml Kookolie

1 klein ui fyn gekap
1 hoenderaftrekselblokkie
100ml kookwater
10 ml gelatien
Knippie fyn koljande
380g (1 blik) ingedampte melk, verkil oornag in yskas
100g fyn gerasperde biltong
45 ml goeie mayonnaise
Pakkie slaai van jou keuse (bronkors of rocket as jy dit wil op-“zoesj”)
10 ml wit asyn\\Bespuit ‘n ring met kleefwerende kossproei.
Verhit die olie in ‘n swaarboompan en soteer die uie liggies tot sag. Laat afkoel.
Los die aftrekselblokkie op in die kookwater. Roer die gelatien en koljander by. Laat afkoel, tot dit dik word maar nie heeltemal gestol nie.
Klits ingedampte melk styf. Voeg die gelatienmengsel, biltong, mayonaise en wit asyn by.
Meng alles goed saam. Moenie al die lug uitklop nie.
Skep in vorm en laat stol in die yskas.
Keer uit op opdienbord, versier met slaai. Dien op saam met rooserbrood/melbabrood.

BILTONG PATEE

15 ml olie
ui, gekap
200 g vars sampioene, fyn gekap (400 ml)
500 ml fyn biltong
125 g gladde maaskaas (125 ml)
200 ml mayonnaise
30 ml pietersielie, gekap

METODE:
1. Verhit die olie en soteer die ui en sampioene tot sag.
2. Vermeng dit met die res van die bestanddele tot glad.
3. Bedien die patee met growwebroodvingers.
Kan gevries  word.

BILTONGSLAAI: 

Slaaisous:
60 ml balsamic-asyn
125 ml olyfolie
1 knoffelhuisie, gekneus
5 ml suiker of na smaak
5 ml Dijon-mosterd
1 stingel sprietui, fyngekap
sout en varsgemaalde swartpeper

Slaai:
250 g klam, baie dun gekerfde biltong
375ml gerasperde cheddarkaas
3 agurkies, gekap
2 hardgekookte eiers, in skyfies gesny
2 ryp avokado’s, in blokkies,besprinkel met suurlemoensap
‘n verskeidenheid blaarslaai om die slaai op te rangskik

Plaas al die bestanddele vir die slaaisous in ‘n skroefdekselbottel en skud goed. Hou in die yskas tot benodig. Plaas die biltong en kaas in ‘n bak en voeg genoeg van die slaaisous by om dit goed klam te maak. Bedek en marineer ten minste ‘n uur (of selfs tot ‘n dag lank) in die yskas. Rangskik die blaarslaai op ‘n mooi groot plat slaaibord en pak die slaaibestanddele bo-op. Besprinkel liggies met van die slaaisous. Skep die gemarineerde biltongmengsel bo-op en sit die oorblywende slaaisous apart in ‘n klein bekertjie voor. Sit dadelik voor.