Archives

Wildsvleis

Oct31

Afgekookte springbokvleis met vetkoek

Afgekookte springbokvleis met vetkoek

AFKOOK WILDSVLEIS (ENIGE WILD KAN GEBRUIK WORD)

IRENA KINGWILL SE RESEP:

Dit is die lekkerste gegeurde vleis

Neem groot  pot, sy se sy gebruik haar ou groot konfytpotte, klein bietjie water onder in die pot

Enige spekvetvleis, sy gebruik sommer skaap netvet – so ‘n paar stukke in blokkies gesny

Springbok afkookbene bv blad, skenkels, rugstringbene ens

Ongeveer 5 na 6 groot  uie grof gekap

Paar van die volgende goed, Die bepaal jy met hoeveel bene jy het:

Bayleaves

Naeltjies

Koljander

Neut

Allspice (pimento’s)

Sout en gemaalde swartpeper

Bietjie asyn en wostersous

Bedek pot met deksel

Kook met min water – die bene stadig af. Hou dop as jy sien die water word min, gooi dan bietjies gewys by.

Verwyder bene en vries. As wil warm maak, ontvries en op  lae hitte maak weer op stoof warm. Kyk of dit nodig is om nog water by te voeg !!

Vir pasteie:

Druk die vleis in gespuite oondbak en vries (indien jy dit eers later gaan gerbuik) Haal uit en ontvries in die yskas. Maak slap pastei deeg of gebruik skilferkors (puff pastry)

Bak in oond by 180 C tot goudbruin

SLAP PASTEI DEEG:

125 ml olie

125ml melk

200 ml bruismeel (of 200ml koekmeel en 2tl bakpoeier)

1 eier (geklits in bietjie water)

Meng tot slapdeeg – gooi bo-oor pastei en bak in oondby 180 grade vir ongeveer 20min +  tot gaar en goudbruin

IMG_8544

 

Wildspotjie

2 kg wildsvleis, in porsies gesny – verkieslik nek, rib, skenkel en lendetjops
rooiwyn
druiweasyn

Sous

750 ml rooiwyn
300 ml port
250 ml blatjang
500 ml water
30 ml gemengde gedroogde kruie
25 ml aromat
5 ml knoffel
6 kruienaeltjies
4 lourierblare
60 ml olyfolie
15 ml gekapte knoffel
100 ml brandewyn
250 g spekvleis, gesnipper
1 groen soetrissie, grof gesny
4 selderystingels, grof gesny
1 groot ui, grof gekap
20 klein aartappeltjies, geskil
8 wortels, in dik skywe gesny
250 g ontpitte pruimedante
250 g droëperskes
250 g knopiesampioene
16 piekeluitjies
halwe rooi soetrissie, in groot blokke gesny
halwe geel soetrissie, in groot blokke gesny
12 songedroogde tamaties
250 ml vars room
vars, gekapte pietersielie

Metode

Marineer die vleis oornag in n mengsel van gelyke dele rooiwyn en druiweasyn. Meng die bestanddele vir die sous en hou dit eenkant. Verhit die olyfolie in die potjie en roerbraai die vleis 5 minute lank. Voeg die knoffel, brandewyn en spekvleis by en roerbraai dit nog 5 minute lank. Voeg die soetrissie, seldery en ui by en dan roer jy nie weer nie. Voeg die aartappels en wortels by. Roer die sous deeglik en giet dit bo-oor. Sit die deksel op en laat prut dit vir ongeveer 1 uur 30 minute oor matige kole. Voeg die pruimedante, perskes, sampioene, piekeluitjies, rooi en geel soetrissie en songedroogde tamaties by. Sit die deksel op en prut dit vir no 30 minute lank. Voeg die room by roer dit deur. Graneer dit met pietersielie en bedien dadelik.

Wenk

Dieselfde gereg kan ook op die stoof voorberei word.

Met Komplimente “Maak n Las”

Wild/Volstruis Resepte

Jul25

Gesmoorde Volstruis vleis

Gesmoorde Volstruis vleis

Colleen Boshoff Volstruis fillets “gebutterfly” sit pepperdew en feta binne in maak toe met toothpics en laat le in n monkeyglad sous robertsons texan spice bo oor saam bietjie peper los tot kole reg is

Linda Theron Gesmoorde Wild 1,5 kg wildsvleis, liefs vleis wat uit die dier se boud kom marinade vir wild – pas dit aan vir jou hoeveelheid vleis die skil van 1 lemoen die skil van 1 suurlemoen olie 2 uie, in blokkies gesny 2 wortels, in blokkies gesny 2 stele seldery, in skyfies gesny bouquet garni (pietersielie, tiemie en lourierblaar) 280 ml aftreksel sout en peper 15 ml appeljellie beurre manié (verdikking 2dele botter 1 deel meel) Sit die vleis en skille in ‘n bak en gooi die marinade oor. Plaas die groente op die vleis en maak die bak toe. Laat dit 3 dae in yskas en draai die vleis een maal per dag om. Haal die vleis na 3 dae uit, vee dit af en braai aan alle kante bruin in olie in ‘n kastrol. Haal die vleis uit en plaas die groente in dieselfde olie. Stel die hitte laer, bedek die kastrol en laat die groente smoor vir 5 minute. Plaas die vleis op die groente en voeg die bouquet garni, die marinade en die aftreksel by. Geur met sout en peper. Die skille kan jy weggooi. Bring tot kookpunt. Maak nou die kastrol toe met foelie voor jy die deksel opsit. Plaas die kastrol in ‘n 160°C-oond en smoor 3 uur lank. Skep al die vet af, gooi die sous deur ‘n sif in ‘n kastrol. Gooi die jellie by die sous en verdik met die beurre manié. Kook die sous af tot dit omtrent soos ‘n dun room is. Proe vir sout en peper. Sny die vleis in skywe, plaas in ‘n warm skottel en gooi die sous oor voor jy dit bedien.

Ariana Struwig Vat jou (wildsd)boud en rol in gegeurde meul. Bak in ‘n pan met gesmelte botter soos wat jy met ‘n steak sou doen, baie vinnig. Doeksag en baie lekker. Moet nog binne pienk wees.

Steak, fillet gevul

May28

FILLET STEAK

GEVULDE FILLET STEAK (VIR BEES FILLET EN ENIGE WILDS FILLET)

Hierdie resep werk ook vir enige wildsvleis fillet (koedoe/springbok ens ) Pasop net, wildsvleis raak bitter vinnig gaar en droog – wildsvleis moet medium na medium rare wees, so jy sal jou tyd so bietjie moet aanpas vir die vleis.

Sny die fillet oop en kap effe plat met piering of vleis hammer. Gooi sout en peper oor. Vul fillet met stukkies spek, skyfies fetakaas, stukkies peppadews gesnipper, fyngekapte uie en knoffelvlokkies. Spuit so bietjie worcestersous of balsamic asyn oor.
Rol op en steek vas met tandestokkies.

Sit op tinfoelie en smeer nou bo-oor olyfolie of lekker dik botter. Sit nog growwe swart peper en sout op en rol toe en seel oral goed. . Ek gebruik heavy duty foelie sodat die foelie nie maklik skeur en die sappe uitloop nie. Sit nou op die kole of in die oond by 180 C vir so ‘n halfuur na 45 min – kole ook so 45 min – (die tyd hang af van hoe gaar jy jou steak eet en hoe groot en dik die steak was0 Haal uit foelie uit, sit in swartpot met warm olyfolie en braai net so effe dat die steak bruin raak aan die buitekant. Rol die fillet die heeltyd al in die rondte in die warm swart pot. My man het ook so bietjie bbq sous oorgesmeer. Ek gebruik my swart cast iron potte – Indien jy nie een het nie, sit in pan met olie en braai net effe bruin, of in die oond – of jy kan dit net op die kole ook doen. Smeer net bbq sous oor. Omdat die steak in foelie was is dit baie bleek van kleur – so die is vinnig vinnig anders maak jy jou steak dood droog gaar.

Die steak wat jy sien was medium gewees.
Bedien met ‘n kaas of sampioensous.