Tag Archive | Souttert

Souttert,quiche


IMG_7854 - Copy

ASPERSIETERT
Kors:
1Kop meel
125gr margarien (kamer temperatuur)
1 klein blikkie roommielies (215gr)
Sout
Vryf botter met vingerpunte in meel in. Meng alles en smeer in ‘n tertbord
Vulsel:
2 groot ui gekap en gebraai
250gr spek gesnipper en gebraai
1Kop kaas
2ml sout
2 eiers geklits
1 kop suurroom of yogurt
1 Blik Aspersies(gedreineer)
1 Teel suiker

Sout en peper na smaak
Meng alles,
Gooi in kors en bak 45min by 180 C

My aanpassings: Ek het bygevoeg, 3 repies spek,  nie 250gr spek, +/- 150gr ham blokkies, 1 ekstra eier en ook so 1/4 koppie melk. Ek het myne gebak vir ongeveer 50 minute.

Ek het ook net 1 klein houertjie yoghurt ingegooi – ipv ‘n koppie

Die resep gaan net so goed werk sonder die kors. Dit sal kan deurgaan as korslose tert ook.

IMG_7850 - Copy - Copy

Die smeerkors

IMG_7851 - Copy - Copy

Versier jou tert mooi met kersie tamaties, paprika en droe pietersielie

Hierdie resep is genoeg vir 4 mense

IMG_9387

Basiese souttert

Hier is my souttert wat ek Vrydagaand gemaak het saam met ‘n mengelslaai en kapokaartappels. (Ek het hier 1 blik boeliebeef, halwe kop rou gekapte spek en halwe kop ham blokkies gebruik)

Ek het vir julle ‘n basiese resep gaan uitwerk vir ENIGE souttert – en dan kan jy net die byvoegsels doen met ENIGE vleis wat jy wil gebruik:

BASIESE RESEP VIR SOUTTERT

4 eiers
2 koppies gerasperde kaas
1 ui gekap
1 eetl pietersielie (vars) (of 2 tl gedroog)
2 eetl meel
1 tl mosterdpoeier (jy kan ook jou klaar aangemaakte mosterd gebruik)
Sout en peper
300ml melk

VOEG NOU BY:
2 koppies vleis
Hier kan jy dit opmaak met ENIGE VLEIS – bv boeliebeef, spek, ham blokkies, viennas gesnipper, enige koue vleis wat jy in blokkies gesny het, gevolkte hoender, polonie, gevlokte vis bv hake,

Jy kan ook gekapte 3 kleure rissies of sampioene byvoeg. Dit kan ongeveer so halwe koppie wees.
Meng melk en eiers
Meng al die ander bestandele saam. Gooi die melk en eier mengsel by die vleismengsel. Roer liggies deur. Gooi in gespuite oondbak.
Sprinkel bietjie rooipeper of paprika bo-oor

Bak vir 30/40 min by 180 grade C of tot gestol en goudbruin.

 

Souttert


Souttert

Souttert

Ma Charlet se Korslose Souttert

Rencia Odendaal Pretorius

Bestandele:

250 gr spek gesnipper

250 gr weense worsies gesny

500ml gerasperde kaas

1 ui gekap

35 ml rosyne

10 ml pietersielie

40ml meel

5ml mosterd

Sout en peper

250ml melk

4 eiers

Metode:

Meng melk en eiers

Meng al die ander  bestandele  saam en gooi die melk en eier mengsel by – Meng deurmekaar en bak

vir  30/40 min by 180 grade C

*

Belinda Nortje Botha

Maklike souttert

1 pakkie bacon (gesnipper)
1 ui (fyn opgesny)
6 viennas (ringetjies gesny)
6 snye brood (in blokkies gesny)
500 ml melk (louwarm)
4 eiers
Paprika

Braai ui en bacon net tot gaar en laat afkoel. Week brood in die melk tot pap. Meng nou alles saam (behalwe paprika) en gooi in gesmeerde bak. Bak tot goudbruin bo op by 180 grade. Strooi paprika oor en laat afkoel. Baie lekker resep.

Vir vis tert verwyder net al die vleis en voeg 2 blikkies tuna by

 *

Raap en skraap souttert

Bestanddele
9 Snye Witbrood in blokkies gesny
500 ml Koue Melk
250 g Koue vleis (enige soort) 2 k Kaas
6 Eiers geklits
60 ml Botter
1 ui Fyngekap

Metode
Week brood in die melk. Voeg vleis, kaas en botter by. Meng deeglik met vurk. Bak tert by 180° C vir 30 minute.

*

SOUTTERT

3 Snye wit brood

5 eiers

1x 125gr polonie gerasper

1 groot ui gerasper of gekap

1tl mosterd

3 kop melk

1 groot blik vienna’s gerasper

3 kop chedderkaas gerasper

Peper

Pietersielie

Gooi 1 en half kop water by brood (week)

Meng ander melk en eier

Voeg alles bymekaar en bak by 180 grade vir ongeveer 30/40 min tot gaar en goudbruin.

*

SOUTTERT

6 Snye witbrood/bruinbrood in blokkies (sonder korsies)

1 Koppie melk

125ml gesmelte margarien

3 Eiers

1 Teelepel bakpoeier

Sout en gemaalde peper na smaak

Uie

Spek (enige oorskiet vleis kan opgesny word)

Sampioene (kan vervang word met green pepper)

1 Koppie gerasperde kaas

Klits melk, eiers en bakpoeier saam. Week brood in eersgenoemde. Gooi gesmelte margarien by. Braai uie, spek en sampioene saam tot gaar. Gooi als bymekaar met half koppie kaas en meng en gooi in gesmeerde oondbak. Gooi res van kaas bo-oor en besprinkel met paprika en bak vir 30-40 minute @ 180 grade.

KORSLOSE SOUTTERT

BESTANDELE

450g Cheddar Kaas
250g Spek
1 Blikkie weense worsies
8 Geklitste Eiers
4 k Melk
4 e Meelblom
1 e Mosterd
1 e Gedroogde Pietersielie
2 e Gerasperde uie
Sout & Peper
METODE
Rasper kaas en weense worsies.
Versnipper spek en meng al die ander bestanddele en voeg by kaas mengsel.
Verdeel in gesmeerde tertpanne of een groot bakpan
Bak vir 40min teen 180°C
WENK
Gooi die mengsel in kolwyn pannetjies, strooi pietersielie en rooipeper oor, indien verkies.
Bak nou teen 180°C vir 10 tot 15 minute.
Lewer sowat 5 dosyn.

http://www.wildnews.co.za/