VLASKYWE MET PUFF PASTRY EN VANILLA INSTANT POEDING

1 pak puff pastry – net oopgerol en nie uitgerol.

3 pakkies vanilla instant poeding

625ml koue melk

500 ml room

Versiersuiker aangemaak met bietjie suurlemoensap

Meng die 3 pakkie poeding met melk soos aangedui op pakkie, en los om te stol.

Klits room styf en meng in by die poeding mengsel.

Sny puff pastry in lang repe – en dan in die grootte wat jy dit wil he, of slegs repe en sny die grootte wat jy wil he as pastry gaar is. (sien foto)

Neem vurk en prik die deeg ooral met gaatjies

Bak by 180gr C tot goudbruin en opgepof

Verwyder uit die oond en laat afkoel.

Neem skerp mes en deel die puff pastry vierkant in 2 – sny horisontaal oop

Skep beslag op onderste deel van die puff pastry

Sit boonste deel weer op.

Smeer/gooi  die versiersuiker en suurlemoensap mengsel oor en sprinkel met sif droe versiersuiker oor.

Jy kan ook jou vlaskywe met 3 of 4 lae puff pastry pak met die vulsel tussen in.

Ek het ook al as ek my versiersuiker aanmaak, granadilla mouse gebruik ipv suurlemoensap. Dit is net so ‘n effense “twist” as die gewone.

Nog ‘n idée is om skyfies aarbeie tussen die lae met die poeding mengsel in te sit.