Ons het ‘n bees agterkwart gekoop – 89kg – en die die naweek verwerk –

Hans begin om die bees in stukke te sny

T-bones word gesny

Die T-bone weeg 650 gr ………….

Ons het ons eie chef gehad – Danie wat die potjie op die stoof moes maak. Die wind het so gewaai ons kon nie ons neuse by die deur uitsteek nie. Dit was ‘n beespot met rooiwyn en groente

Besig om die vleis te maal vir die maalvleis en wors Dankie Lane en Gerhardt vir julle hulp die naweek. Sonder julle sou ons dit nie kon doen nie. Is maar bietjie dom met vleiswerk…….

Skoon maalvleis – topside maalvleis

Danie is besig om sy broodjie aanmekaar te slaan

Hans my man is besig om die worsmengsel in te meng voor ons dit maal. Ons gebruik 35kg vleis – waarvan 12% vet moet wees – het Percy vet gebruik asook die vet van die bees. Die speserye is Feddy hirsh se Kameeldoring – of kameelhout speserye – nie seker oor die regte naam nie.

 

Gerhardt ken sy werk met wors stop. Myne het ooral oopgebars en uitgepeul.

Gerhardt is besig met die wors stopper

Ek maak hamburger patties – Maklike manier, gebruik Consol bottel se deksel met die los boom. Druk jou maalvleis in die deksel, draai om en druk styf vas op die houtbord. Druk pattie uit. Ek het sommer die worsmengsel hiervoor gebruik.

Perfekte patties

Intussen het die brood uit die oond gekom. Dit was sommer ‘n gewone klaar voorafbereide brooddeeg, bietjie deurgeknie, toe druk Danie stukkies fetakaas, peppers, uie,  peppadews in en gooi bietjie bruin suiker oor – 45 min in die oond by 180 C

Ek verpak die wors. Maklike manier, rol jou wors op in ‘n kleinbordjie, druk in sakkie en glip kleinbordjie uit.

‘n Klein bordjie vol gerol = 500gr presies. Ons gebruik die 26 grootte derm.

Ons het 30 kg wors gekry, 9 kg maalvleis, patties, rump steaks, fillets, t-bones, club-steaks,  blokkies vleis, repies vleis, die sosaties.

Ons is reg vir die volgende jaar met ‘n vol vrieskas.

 

Ons het R2810.00 betaal vir die agterkwart van 89kg – A-graad – die derms ,vet en wors speserye  was nog verdere R570.00

Baie groot besparing as mens dit self doen, maar ai, my rug was AF

Half 7 gisteraand toe kan almal aansit vir ‘n lekker bord potjiekos en vars gebakte brood

Danie se potjie resep:

Braai uie in ringe met vars knoffel opgekap, crushed black pepper en bruin suiker (skep uit)

Blokkies vleis – braai met Crown se Texas steak spices tot geseel. Voeg by Country Hot pot mengsel aangemaak met water. Voeg uie mengsel by

Sit bo-op butternut skywe, baby marrows, aartappel met skil aan (in kwarte gesny) Sampioene, heel, Blikkie heel tamaties (die kleintjies)

Gooi nou halwe bottel rooiwyn oor en laat prut vir 3 na 4 ure – op plaat no 3

Moenie roer nie.

Verdik met bisto of mazina indien nodig.